民主黨涂謹申呢輪好似少咗上鏡，原來係受到病魔困擾。話說兩個禮拜前，阿涂喺立法會攰得滯，於是乎趴咗喺張枱度瞓覺，相信係因為佢嘅睡姿唔好，起身之後左邊身就開始赤赤痛，直頭痛到手都震埋，真係陰功。
阿涂已經睇過西醫、照埋X光，醫生只係話佢條尾龍骨壓住神經線而導致左邊身咁痛，極其量只能開啲止痛藥畀佢食，等佢夜晚可以瞓得好啲。於是乎佢亦都嘗試咗針灸、推拿同埋拔罐，可惜仍然未能根治，至多都係舒緩到佢嘅痛楚。相信阿涂都係真係痛得好交關，因為連佢囝囝信之見到爸爸一痛起上嚟，都識得遞個拔罐畀佢。八方喺度祝願阿涂早日康復啦！