紐卡素及利物浦同樣後防不穩，加上兩隊近年在聖占士公園球場踢英超，常演入球騷，故今戰首選入球「大」。
紐記雖連贏3場，包括於周日英超作客反勝熱刺2:1，以及於周三英聯盃作客贏曼城2:0，但後防欠穩卻是鐵一般的事實，9場聯賽失15球及僅兩場能保清白，而且試過開波僅1分鐘就失波（主場和水晶宮3:3）。其4人防線雖有高洛仙尼、真馬特及告魯爾等球星，惟表現都不是太理想。
至於利物浦今季防線大執位，僅得史卡迪爾能繼續打正選，但眾新兵均表現麻麻，被寄予厚望的洛夫雲暫未能踢出身價，故他們的防守跟上季一樣差，踢了9場聯賽已失12球，當中有多達7場有失波。還要留意，他們近年於聖士公園與紐記踢聯賽，入波甚多，近6場有5場的總入球是在3球或以上，今戰入球「大」有1.68倍，值捧。
紐記最近3連勝，走勢似好過利記，但紐記近5次於聯賽主場迎Big 6全輸；而且，利記有謝拉特、史達寧及拉爾拉拿等壓陣，整體實力始終較強，加上巴洛迪利結束入球荒，信他們可贏紐記開出讓平/半的上盤。
文：青蛙仔
識睇，一定係睇足英台【英波Live】：
http://soccer.appledaily.com
http://bit.ly/engballlive