陳德森宣傳新作，自嘲要一個人孭起。不過17年前一場爆炸戲奪去一條生命，他卻孭不起，還變成了永不磨滅的傷痛，他形容當時的反應「揸緊車落緊雨開咗水撥，不過都唔知係撥緊我嘅眼淚，定係出面嘅大雨」。往後他面對誤殺的指控，更決意辭職脫離娛樂圈，多得楊采妮轉贈一本台灣作家的書，令他有所領悟，重回導演之路。
撰文：溫敏芝
陳德森日前在灣仔一間餐廳接受本報專訪，他剛到場便幽默地說：「部戲叫《一個人的武林》，但𠵱家變咗一個人的宣傳，哈哈，大家都好忙嘛。」他的新戲與武林有關，是一部加入了警匪故事的時裝片，是一部陳德森向影壇武打前輩致敬的電影。
《神偷諜影》場務捐軀
17年前的爆炸意外，令陳德森特別關注動作演員背後的辛酸，近日他發起「香港動作特技員公會福利基金」籌款。說起動作片，他忽然有感而發說：「有一樣嘢，我一直耿耿於懷，97年《神偷諜影》一場爆炸戲，死咗一個場務，當時我哋同董瑋籌咗幾十萬蚊畀佢家人，但嗰件事好難忘記。嗰晚出事後，工作人員又唔俾我過去睇，我心情好噏，我揸車走時突然間吐路港公路落好大雨，同一時間製片打電話嚟，話佢走咗，嘩！揸緊車落緊雨開咗水撥，不過都唔知係撥緊我嘅眼淚，定係出面嘅大雨。」
事件發生後，陳德森的家外企滿記者，劇組六個人兼他個人被控誤殺，他說：「我都未試過上港聞版頭版，嘉禾、監製、製片、我、武指董瑋、仲有爆炸嗰個，誤殺好大鑊，我好想講離開呢行，基本上我同嘉禾辭咗職，係連呢行都唔做。跟住楊采妮送咗本台灣林清玄作家嘅《多情多風波》俾我，教人舒緩情緒，我睇完之後有少少放低咗。當時班工作人員亦同我講，既然佢都犧牲咗，唔拍就更加對唔住佢。」
官司審了兩年，他說：「當時40歲左右，未試過上法庭，尤其係面對佢啲家人坐喺隔籬。當時個場務企得好遠，可能係命中注定，俾頂住架車嚿大鐵打中咗，意外係冇人想，最後大家都冇事。」慘劇後，陳德森告訴自己，以後拍動作戲要好小心，導演不叫cut，全部人都不要動，加上現時科技進步，做特技可以不用搵命博都可以好真實。
「唔好為打而打」
說回《一》片，陳德森又怎會放過動作場面，大澳漁村快艇追逐、天台對打，真的各有各難拍，他說：「拍快艇場戲啲人拍到嘔，拍拍吓都跌咗落水，不過甄子丹體能真係好勁。」他拍動作片也有一套哲理，他說：「我有5個英文字母擺入我嘅設計，係4個W同1個H，why、when、where、what、how，點解打先，唔好為打而打，幾時打，天光定夜晚打，喺邊度打等等，設計咗畀武指拍會更加好。」
【三個粉絲去首爾】
追星實錄，即上韓劇讀: http://hk.apple.appledaily.com/kstar