日前於微博上，自稱「我的師父」同目標係金庸、黄霑同蔡瀾，仲包括李小龍、喬布斯、史匹堡同馬雲都係佢師父嘅李力持，同幾位曾經係港產片導演嘅高志森、王晶等天天為警察同反佔中站台，微博fb全力發聲，各式陰謀論抹黑比電影情節更離奇荒誕。
有網媒昨日share咗一位中大同學報料，關李力持事……不過佢唔係回應上次錯當《話你戇x怕你嬲》係反佔中歌呢單真係笑話，而係講二次創作——嘥時間。咁……《唐伯虎點秋香》(周星馳版到黃曉明版)係乜嘢？
據呢位中大同學爆嘅料就係話，當日李力持應邀出席中大聯合書院聚會，上台分享，「期間『膠論連連』」(同學語)。李力持分享提到：「依家你哋講咩二次創作？拍條片上網好叻咩，要過百萬人睇先有用。」又謂:「香港最緊要係一次創作，咁先賣到錢！二次創作又賣唔到錢嘅，好叻咩？咁叻去作首歌囉，拍電影囉！」
李力持又話：「識繁體字同廣東話嘅人只係得番三千萬人，要打入國際市場係無可能，要符合市場口味！」咦，同被指唔代表業界嘅馬逢國好啱嘴形喎。
【三個粉絲去首爾】
追星實錄，即上韓劇讀： http://hk.apple.appledaily.com/kstar