【本報訊】今年新上榜食肆幾由高檔及連鎖食肆壟斷，清朝起已扎根銅鑼灣的街坊老店再興燒味，成功殺出重圍，躋身「車胎人美食推介」。再興現由第四任傳人周巧和掌舵，鎮店之寶的叉燒日賣近2,000條，堅持無味精、無鬆肉粉，幾歲已落店幫忙的周巧和說：「落親（味精）阿爸就打，一定唔可以落。」升呢後也「誓不加價」。
開業多年早已贏盡口碑，今年再獲米芝蓮評審賞識，錦上添花，60歲的周巧和笑逐顏開。她說，升呢後「誓不加價」，希望食客食得開心。但她慨嘆燒味是「濕水濕腳辛苦工」，每日凌晨3時開工，晚上8時才收爐，「後生仔讀飽書唔會嚟做」，學徒難尋。
位於九龍城的桂寶雞窩米線同樣躋身「車胎人美食」。去年中，一星食肆勝記海鮮老闆吳詩銘，去年8月與夥計陳志偉合作投資300萬開設桂寶。陳無師自通獨門雞煲秘方，以花椒、薑、八角等20多種醬料及配料烹調，亦堅持用新鮮雞，寧蝕本，拒偷工減料，笑言「識做食物，但唔識做生意」。「老行尊教落，生意係要守」，他有信心捱得住，因租約仍有五年，不擔心業主坐地起價。
添好運三分店獲一星
不過，曾獲一星評級的北角阿鴻小吃，卻應驗米芝蓮「死亡之吻」，因租金壓力無奈結業。今年有10間食肆遭「搣星」，包括阿一海景飯店由兩星變一星，原獲一星的尖沙嘴福臨門只列一般推介。
至於添好運，今年更有三間分店都獲一星。老闆麥桂培坦言所用食材非最頂級，但勝在點心全部新鮮熱辣。