【壹週刊】萬聖節到啦！經開上環元創方，嚇見一個689墓碑，呢位先人係卒於2014年9月28日，豈立墓碑嘅人好夠「吉屎」喎？會唔會「一男子」藉詞怕有參拜者留下火種，又派消防到場拆碑？立碑嘅歐陽永權就話，因為萬聖節是一個外國進口的節日，想有點本地特色，而近來689對香港做左好多『好事』，諗咗好耐應該搵啲好嘢拜祭吓佢。尤其9月28日對香港人有好大影響，嗰日掟左好多個催淚彈，歐陽話，無論係邊個落呢個命令都應該落地獄啦。
供奉俾689嘅祭品亦係特別創製嘅冥界新品，有用朱古力做嘅香燭，同埋有特別文案嘅壽金、往生錢曲奇，仿真度仲極高，食落味道都唔錯，689激發咁多人創意，應該親自來食番兩支香試吓味啦。
歐陽又話，近排佔中，香港人都太繃緊，希望做呢啲創作出黎，俾大家應節之餘又可以放鬆下。今個星期元創方有Night Market，歐陽已準備好將佢間Mall 852，用中國傳統陰間、邪靈佈置攤位，擺賣「大吉利是」系列朱古力、曲奇，大家要買就快啦。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁 http://nextplus.nextmedia.com/