【本報訊】立法會主席曾鈺成接受傳媒訪問時指，特首普選應低門檻、寬鬆入閘，指中央若拒納民望高候選人，或要賠上選舉認受性。問及特首梁振英能否成功連任，曾鈺成拒直接表態，「董先生都答你唔到，梁先生都答你唔到」。
曾鈺成指提名機制「由入閘到出閘嗰個程序先最緊要」，倡低門檻、寬鬆入閘，若參選人民望高，中央難以不接受：「咁咪有個政治風險喺度囉，係咪？你如果一個咁樣嘅人物，到時係壓倒性香港嘅市民都話最支持，而竟然喺呢個提名委員會出閘時被篩走，咁呢個本身，第一，你賠上咗成個選舉嘅認受性。」
曾稱不知中央會否接受其建議，「咁先要傾嘛」，強調「如果呢樣嘢中央都落埋閘，2017年之後點算……乜都冇，到時你（泛民）反對都唔遲」。
梁能否連任 「董生都答唔到」
曾鈺成受訪那天剛好傳出田北俊因促梁振英考慮辭職而被免去政協一職。曾鈺成當日被問到梁振英是否能完成今屆任期時，他瞪着眼、停頓數秒不以為意指：「董先生（董建華）係咁講囉，係咪？」被追問梁能否連任？他說：「董先生都答你唔到，梁先生都答你唔到……邊個能夠講得實；如果2017年實現普選，下一任嘅行政長官一定係邊個呢？」
至於梁有否能力續任五年，曾說：「我亦都冇呢個資格、呢個身份出嚟講，我認為邊個邊個做得好、邊個邊個做得唔好」，他又稱自己「做埋呢兩年就退出」，2016年不角逐連任立會，也不參選2017年特首。