【收樓須知】
環宇海灣預計明年3月入伙，單位外圍問題無得救，但內櫳甩漏有得執。記者追隨資深驗樓師詹濟南驗樓多時，綜合他的驗樓心法，最重要是「睇水」。
所謂「睇水」，是檢驗單位所有來去水的地方，當然是廚房與浴室，來水睇水質清濁、有無雜物、順暢，得悉喉管是否生銹，去水要睇速度、暢順，必加留意，因水不能去，隨時水浸全屋，地板、傢俬、電線、牆身浸爛浸壞，維修費認真不菲。
此外，還要注意空心磚，若發生在室內，不更換之，數年內將剝落，美觀其次，主要擔心滲水。若發生在單位外露地方，尤其露台，宜加緊留意，因為外牆磁磚空心剝落，雨水會透過這些縫隙滲入屋，不加處理，牆身起泡，久而久之，蝕入石屎，造成牆身石屎剝落。