白鴿黨一啲區議員好似葵青區林立志咁，日前喺佢哋青衣長亨邨辦事處掛咗張「我要真普選」嘅黃色條幅。
點知掛唔夠一日就畀街坊投訴，房署亦去信話佢違反租約訂明，唔可以貼海報、廣告同陳設招牌嘅規定，勒令佢拆咗張條幅。
據聞其他有份掛呢條條幅嘅白鴿黨區議員，都有同一遭遇，被迫拆走條幅。
唔畀喺辦事處掛箒，唔代表真普選訊息唔可以遍地開花嘅，林立志以及同區同黨嘅區議員尹兆堅，稍後會以習總護駕，喺各區掛上寫有「一起舉傘、一起的撐」嘅banner，而摺褲腳擔黃遮嘅習總，就會「企」喺banner中間「支持」一番。唔知習總撐黃傘，房署夠唔夠膽阻？