一篇《強烈譴責黃絲帶傷害我跟女朋友感情破裂》嘅圖文並茂潮文，最近喺網上熱傳，有男友大呻去女友家食飯，伯母問起佔中，佢答係撐藍絲帶，結果俾黃絲帶伯母冷言冷語兼送客。
飯桌上嘅「世伯」忍唔住出手，拍咗套「四點鐘世伯」為藍絲友幫口。「世伯」喺短片中自嘆唔係老婆心裏面條蟲，唔可以代佢講嘢，但作為「局外人」，希望以個人名義表達睇法，包括好欣賞呢位藍絲友，因為佢唔係體育同宗教界，月入過14K；大讚對方係孝順仔，識買榴槤做厚禮，仲一哥上身撐佢冇做錯，可惜英文唔好，唔識recap in english。到底係真人真事定惡搞？當世界已瘋癲，一切都唔再重要。 https://www.youtube.com/watch?v=sRXC-PDAFJs