羅家寶（Lobo）喺物業投資界相當活躍，曾擁有「炒樓王」稱號，但作風低調，佢噚日就忽然現身自己有份投資嘅北角「劏場」M28舖位開售儀式。雖然年過60，但Lobo以一身「側田Look」到場，認真估佢唔到。
Lobo大概有兩年未曾高調露面，以往見親佢都係西裝骨骨，噚日佢就換形象，頭戴鴨嘴帽，西裝襯波鞋，驟眼睇仲以為係側田嚟 前比較，望落好似再清減咗。
Lobo為開售剪綵、切燒豬同影完大合照後，就嗱嗱聲閃人，華華幾個箭步追住佢問兩句，想知佢點睇後市，佢只係簡單咁話，兩年前打算賣嘅沙田雍雅山同埋尖沙嘴百樂酒店都會持有收租，雖然雍雅山只係收緊2厘回報，但佢話「豪宅係咁上下㗎啦」就絕塵而去。