趁住令香港人引以為傲、令全世界讚嘆嘅和平佔領運動滿月冇耐，香港攝影記者協會都用一幅幅由攝記瞓身紀錄運動實況、扣人心弦嘅新聞圖片，製作成一條短片，並上載至YouTube（ http://youtu.be/tBiY-zQUkd4），為佔領運動賀壽，亦為運動做見證。攝記協仲話呀，會持續更新短片，直至佔領運動結束。
由於呢排間間報館都近乎總動員，採訪同捕捉佔領現場最珍貴嘅時刻，所以唔少攝記都幾乎以佔領現場為家，一班攝記協執委日前亦將會議移師至夏愨道舉行，隨時候命，席地開會，盡顯最專業嘅精神，難怪拍到唔少令人讚嘆嘅moment。