周四意甲聯賽獨腳戲，維羅納主場迎戰拉素。維羅納近況欠佳失球甚多，遇上正值4連勝的拉素，入球肯定不少，再追入球「大」。（球賽編號：星期四6；無綫網絡電視301台明日3:45am直播）
維羅納與拉素近期狀態各走極端，前者在上輪聯賽作客拿玻里雖然有好開始，開賽後旋即取得入球，但最後被逆轉以2:6慘敗。連同該仗前在主場不敵AC米蘭，球隊遭逢兩連敗合共失達9球，防線穿窿。拉素則近況大勇，上仗在主場迎戰拖連奴以2:1擊敗對手，取得意甲4連勝。
近6次碰頭至少3球交易
維羅納在上季重返意甲成績不俗，但上季陣中眾進攻主力伊度比、佐真奴費路與羅姆路蘇沙皆已離隊；而前鋒東尼已年屆37歲，難以長期肩負入球重責，他今季暫時只有1球進賬，兼且是靠主射12碼取得。維羅納作客死火，但該隊回到主場作賽，始終仍會有較佳演出，今季在地頭只曾1次吃敗仗兼場場皆有波入，今仗迎戰拉素，出現多入球的情況相當樂觀。
拉素連贏4仗之餘入球亦多，近4戰都能夠至少取得兩球。新加盟的前鋒菲臘佐積域腳風甚順，過去4場聯賽共入5球。連老將高路斯亦剛取得今季首個入球，在擊敗拖連奴一仗中後備入替建功。球隊仍有不少球員未能候命，前鋒巴爾迪基達、中場莫利、杜辛巴斯達、卡達迪以及守將真迪列堤皆正在養傷。
維羅納與拉素交手，一向是大手交易保證，兩隊在上季意甲首次循環對壘，皆至少達5球；亦連續6次碰頭總入球數字達至少3球，維羅納在今仗於主場迎戰拉素，勢再開入球「大」。
文：何西
識睇，一定係睇足英台【英波Live】：
http://soccer.appledaily.com
http://bit.ly/engballlive