雨傘運動滿月，衝突零星起落，有人將運動界定為暴動，指佔領人士是紅衞兵，香港就快陸沉云云。然而六七暴動由香港極左地下組織煽動，由最初罷工示威，到後來打死工人，暗殺、放炸彈及槍戰，事件最少造成10名警員殉職共51人死亡。論規模、暴力程度，和平的雨傘運動又怎可相提並論？
1966年事件之初，退休高級警司林占士還是見習督察，奉命防守彌敦道加士居道眾坊街路口，防止暴徒往北進發，「當時暴徒已經掟晒嘢、放火、搶嘢。我哋嘅防暴策略訓練，行動隨暴亂情況升級，同時防止他們繼續往北推進。」那時一隊只四十多人的防暴隊，就要面對二千至四千未殺人放火而「只是」掟石頭的示威人士。林占士曾站在港督府被鬧、被踢、被吐口水，祖宗三代都給搬出來鬧足幾日。但記着警察要做的就是完成眼前任務，控制情緒，「我做過黃皮狗白皮豬鷹犬，Yes，我係。但我不介意。那時示威者手指指篤口篤鼻，表面冇事但腳踢我們小腿、下陰、吐口水，手執『紅簿仔』《毛語錄》打在我們面上。但警察職責是守防線，不可有任何反應。但當你是個廿多歲血氣方剛的少年，那時甚麼IQ、EQ都冇晒。淨係知『你放開我你就知味道。』這都是自然反應。你要親歷其境才有感受。」
沒胡椒噴霧的年代，就用催淚彈驅散人群，「若不用我哋真係俾人溶咗。其實催淚彈在策略裏是最低的武力。煙霧令你失視野，因為驚而逃走。66、67年間，防毒面具比較垃圾，戴了又聾又盲又啞廢人一個，我索性不用。吸入了最多像食多了wasabi，大汗化解身上的痕癢，最大的妨礙只是眼淚水。我再三講催淚彈係最低嘅武力，殺傷力係零。」無效的話才升級用長十吋的木彈，以15度角打到距離人群八至十米的地上，火藥讓它旋轉奔走，驅散人群。而後才用長兩呎的防暴警棍。「學堂有教如何打人不傷重點，但混戰時啲人踎下來最好最易打最順手打到的就係頭，唔係打你邊度。實戰避不了。我的知識或比現在陳舊了，但實況大同小異。」
升級警棍致受傷
公民抗命不可以將法理及法治置諸腦後，林占士曾經是警察，自然同情警察的處境。但對於10月17日旺角登打士街，警察以警棍打示威者造成流血事件，林占士則感到奇怪：「為何不多用催淚彈，免大家有身體接觸。警棍是升級的武力，我唔知佢係咪俾人哦咗幾句，唔敢唔想定唔可以用催淚彈。」看來警察只有動粗和不動粗的選擇，硬要他們解決政治的問題，他們也進退失據。
記者：陳慧敏 攝影：黃子偉
潘紹聰X柳俊江
星期一至五 晚晚「搵鬼睇」
http://hk.apple.nextmedia.com/horror