之前有人hack咗肥佬黎電郵，大揭佢捐錢畀泛民，但泛民又冇申報喎。立法會議員個人利益監察委員會噚日開會傾呢件事，主席葉國謙會後話，其間討論過對長毛、李卓人、毛孟靜、涂謹申同袋巾梁家傑嘅相關投訴，佢哋被指收咗肥佬黎捐款而冇申報，違反議事規則，結果袋巾首先獲還一個清白。因為委員會接納袋巾嘅解釋，認為對佢嘅投訴不成立。其實袋巾一早已經解釋，只係代真普聯收肥佬黎嗰30萬蚊，冇利益衝突。至於其他四位，委員會需要佢哋提供進一步資料。原來李卓人喺會前，投訴有傳媒將委員會文件外洩，葉國謙話對有關行為非常遺憾兼譴責洩露者喎。