演員做戲就話好睇，估唔到導演粉墨登場，仲好睇。好似話，高志森表示八九年那個以血肉之軀擋住坦克車隊其實係送外賣；周潤發明明一早已表態撐學生，但王晶前日再於微博發聲明解釋自己點解unfriend秋生阿澤何韻詩，但冇unfriend發哥……明眼人都知佢有部戲係發哥擔正，準備明年於內地上映。
另一回帶導演李力持其實都勇於在網上表態，包括日前於fb貼出身穿警服的照片，力撐警察，又話自己已在網上填寫「保普選反佔中」簽名運動，並留言：「支持警方。」相信佢填名字嗰陣唔係填「李大力」啩。
講番中伏。是咁的。之前網民David Cheang創作咗首神曲《話你戇X怕你嬲》，重溫請上YouTube，後來有獨立女歌手Serrini翻唱了一個「溫柔版」。 但唔知點解，有可能係因為歌詞頭幾句引述「戇X」朋友批評佔領嘅對白，又唔知點解李力持導演真心膠以為首歌係插佔領人士，所以昨日就喺fb 些牙咗呢個「溫柔版」，仲留言:「自彈自唱『佔中班友攪乜很』by 人靚詞正香港妹」，想幫你兜都有難度。
有網民不忍，於是好心向佢解釋真相，亦有黃絲帶用番歌名同李導講:「今次真係話你戇X怕你嬲」、「感謝讀者李力持提供笑話」。
最初李力持都死撐，話呢個page係佢主場，想點理解就點解，but最後都係刪po了事。
潘紹聰X柳俊江
星期一至五 晚晚「搵鬼睇」
http://hk.apple.nextmedia.com/horror
【三個粉絲去首爾】
追星實錄，即上韓劇讀： http://hk.apple.appledaily.com/kstar