做咗港交所（388）獨立非執董14年嘅滙豐銀行前大班施德論噚日話自己已75歲，決定退下來，本月底辭職拜拜。佢呢個董事職位由股東投票選出，非政府委任，施德論舊年4月先再當選，任期原本去到2016年，𠵱家做做吓唔做，港交所提名委員會將會搵人替住先，直至佢任期屆滿。
除咗施德論，港交所仲有幾位獨董做咗超過10年，佢哋都係由股東投票選出來，包括郭志標、李君豪同埋黃世雄，做咗11至14年不等，港交所董事3年一任，每次重選，佢哋多數喺冇對手競爭嘅情況下再度當選。𠵱家施德論忽然辭職，多出一個董事位，有心人可以諗諗𠵱家開始儲票，等接替者任期完就出嚟爭，不過，如果港交所提名委員會揀選嘅接替者本身已經好有江湖地位，咁就好難講了。