每年萬聖節學校都有Halloween派對，唔少父母攪盡腦汁幫啲仔女搞靚佢，不過前晚周家蔚忽然將囝囝洪大仁(TJ)變身做可愛嘅芭蕾舞公主，恨女恨到出晒面 ，可憐小TJ仲要乖乖配合任媽咪影相。
睇落TJ戴住個大花頭箍、著粉紅色裙仔，加埋本身眼大大、嘴細細嘅樣，真係幾分似女仔，媽咪就化身「豹女郎」，唔通玩「 美女與野獸」!?
老公洪天明喺微博擺相，兼留言：「老婆我知道妳好想要個女，但是這樣做.........不過TJ 也太可愛了，pierden u tanto so much。」
家蔚亦喺微博回應：「我以為你都成日扮女人會沒所謂！Halloween 嗎！ 哈哈！還有TJ好大汗。這套涼快一點！」
另外，現年49歲嘅「後生嫲嫲」劉美君喺微博晒孫仔Mason相，孫仔肥嘟嘟好得意，見佢弄孫為樂，陪住個孫仔喺地上爬，劉美君都笑晒口咁 ，就知佢有幾幸福啦!