滬港通通車未有日期，內地股民對炒港股憧憬未減。內地《揚子晚報》周一報道，滬港通未通車下，內地股民追睇TVB劇集《使徒行者》先感受下投資港股究竟係點，仲成為內地網上熱話。
內地股民最關心題目包括炒港股係咪可以同劇集一樣，「一星期就可速賺600萬。」該篇報道話現實情況係有可能，因為港股沒漲、跌停牌機制，並引用中國生命集團（8296）為例子，09年首日掛牌開盤價1.12元暴升61%，隨後每日升一倍至4.24。不過，內地股民要留意中國生命集團由2011年6月起，股價一直下滑至0.3元，今日最新報0.216元，跌1.81%。
內地股民又好想知「借孖展係咪會輸身家」該篇報道指，實際情況「孖展賬戶」可放大收益，風險亦大；港股有一種「孖展戶口」，同時又叫做「按金戶口」，即是杠杆交易，贏了本小利大，輸了血本無歸，還欠周身股債。