【雨傘革命 第32天】
【本報訊】這夜雨傘下的人們，不少都是吃過人生第一口催淚彈的好傢伙，或者是被那瀰漫中區的煙霧催出來守護學生、守護香港核心價值的小市民。他們也許曾經不問世事，曾經遠走他鄉，曾經袖手旁觀。但一場雨傘與催淚之戰，人生從此不再一樣。
記者︰袁樂婷 梁御和 林社炳
13歲仔：為未來留守
在9.28傍晚，年僅13的周震邦在夏慤道吃了人生第一個催淚彈。催淚彈就在腳邊爆發，那種令人起雞皮疙瘩的恐懼感，難以言傳，「吸咗好多（催淚氣體），個肺好似俾火燒，眼淚鼻涕係咁流」，更在混亂中與朋友失散。當時想過撤退，現在回憶也猶有餘悸，但他每次抬頭，看到同路人站滿金鐘，便有堅持下去的力量，「好多人問點解你咁細個都嚟，我係為咗自己嘅未來，有公平、公義嘅社會」。
「基層唔係香港市民？」
佔領不忘學生本份，震邦個多月來風雨不改，每天放學帶功課到金鐘，倚着路邊石壆默默耕耘。周末通宵留守，最初只帶替換衣物，席地而睡，後來才有帳篷和地蓆，他笑言「紙皮原來幾好，條路硬、拱起都冇咁覺」。瞓街固然不輕鬆，他有年輕人的灑脫，「當然比唔上屋企張床，但抗爭唔係求舒服，怕辛苦不如喺屋企做鍵盤戰士」。
不少留守者與家人意見不合，震邦也不例外，「可能我比較執着，態度唔好，講起（佔領）就好易『躁底』」，為免「嘈交」，惟有盡量避開話題，最初甚至不敢告知父母，偷偷參與。他理解父母擔憂，「可能大人眼中，細路仔行咁前做乜鬼嘢。我想同佢哋講，我哋年紀細，但做嘅嘢都係有思想、有睇法support（支持）」。
他自言毋忘初衷：真普選，若特首人選被人大操控，「點揀都唔會係我哋想要嗰個」。他批評特區政府只懂盲從人大決定，拒聽民意，尤其特首梁振英說普選會令政策向基層傾斜，欲藉此否定公提，荒謬至極，「幫基層有乜嘢唔好？佢哋唔係香港市民咩？」他擔心港人如繼續坐視不理，將來會變成二等公民，「有錢先有權利」。
政府無動於衷，有人苦中作樂，打趣說「佔到聖誕」，震邦聞言一愕：「應該唔會啩？」但他隨後補充，會一直留守，直至政府提出獲廣泛市民接受的方案為止。