英聯盃16強，衞冕的曼城主場出戰，鬥狀態回升的紐卡素。儘管曼城上場爆冷落敗，但有迪斯高、祖維迪及占士米拿等壓陣，實力仍勝紐記，而且曼城在英聯盃發揮特別好，上圈大炒錫周三7球，今場必捧曼城[-1]「主勝」！（球賽編號：星期三29：無綫網絡電視301台明日3:45am直播）
曼城最近接連作客，先在俄羅斯以2:2賽和莫斯科中央陸軍，再在上周六的聯賽作客以1:2不敵韋斯咸，連續兩場不勝，他們今仗回師主場，力求重響勝鼓，以一場勝仗迎接下周日的曼市打吡戰。
迪斯高、祖維迪夠殺
曼城陣容完整，除了中場林柏特繼續養傷外，其餘球員都可候命。以曼城的一貫作風，相信今場會輪換部份球員，阿古路、大衛施華、高柏尼、薩巴列達及赫特或退居後備，祖維迪、迪斯高、迪米捷利斯、沙格拿及韋利卡巴尼路料會正選上陣。迪斯高雖在英超非必然正選，但在盃賽獲得重用，於歐聯及英聯盃都是主力。祖維迪季初發揮不俗，但後來受傷以及阿古路復出才失去聯賽正選，相信他今場會把握上陣機會，至於迪米捷利斯及沙格拿都是老將，經驗豐富。
曼城是上屆英聯盃冠軍，一路表現都很有霸氣，6場比賽5勝1和，該5場勝仗皆至少以兩球差距取勝，其中主場的兩仗都大勝，分別贏韋根5:0以及韋斯咸6:0。在今屆，曼城仍維持強勢，上圈在主場大炒錫周三7:0，迪斯高梅開二度，耶耶托尼及小將波素都有進賬。再者，曼城主場向來靠得住，近期表現也不俗，在月中曾以4:1大勝熱刺。往績方面，曼城一直食住紐卡素，他們近17次對紐卡素不敗，取得14勝3和的壓倒性佳績；在那14場勝仗中，當中11場至少以兩球差距擊敗對手。
紐卡素作客腳軟
紐卡素近況好轉，取得兩連勝，在聯賽擺脫榜尾，但仍在下游掙扎。紐卡素今季作客麻麻，曾被修咸頓大炒4:0，他們上輪英聯盃作客水晶宮，法定時間亦只能賽和2:2，靠加時入球晉級。「喜鵲」縱回勇，但球員實力始終不及曼城，今仗又要作客，加上往績輸蝕，所以看好曼城。
賽制：若法定時間內打和則需加時決勝。若加時仍未分出高下，則再以互射12碼決勝。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive