1，次次一棚人，即刻由鵪鶉變勇武，打人唔使本。
2，反正區區有大媽，冇人會認得尊容。打完人，回家煲湯煮飯，呃晒全家。
3，每次行動有車載，有飯開，一直下去，大媽實升級，創造新工種：職業大媽都知最低工資，會企硬叫價，唔會袋住14K先。
4，十月圍蘋那批大媽，在堆填區夜夜黑超口罩出場，似乎是為伊波拉病毒侵港做預演。高永文如需臨記，肯定啱用，大媽個look「廢物回收」，勁殺雞味道，襯晒局長。
5，大媽之所以發爛渣，是因為今天的網絡世界冇任何角色，老公仔女唔睬佢，又唔識上網unfriend兼唔like獅子山上蜘蛛仔支旗。唯有喊打喊殺郁記者，當記者是二奶，洩憤排洪。
6，大媽豪情自慰語錄之一是：假如我肯讀書，做咗林鄭N年啦！大媽續自爆，只要唱功叻啲，習總夫人都做得成！堅揪到呢，令你全身麻痹！