如果摩連奴肯認真一點，今季英超冠軍之爭，將不會好睇。
長途賽講求人腳穩定，車仔經過一季部署，威力已現，逐漸放離群雄。英超歷史上，最大冠、亞軍差距是99-00年，當年曼聯擁有「黑雙煞」約基及高爾，又有碧咸、史高斯等大量英格蘭尖兵，最終以18分拋離次席、同季著名Big Four防線正式散班的阿仙奴，衞冕成功。
車仔季初招式，較其他強隊簡單，摩佬自信，夠在英超牙擦，搶分只需全賴「法、迪」（法比加斯及迪亞高哥斯達）配，防守鐵三角是9戰已作出22次撲救的門將泰拔高圖爾斯，夾兩位暫時出足全部810分鐘聯賽的英格蘭雙中堅、泰利及加利卡希爾，游刃有餘。摩佬膽大，周日用36歲的杜奧巴壓另一鋒將舒賀爾尼，今季首次聯賽擔正踩奧脫福場；捧場客卻動搖，讓球平手盤升水，注碼不少回到主場紅魔。
接戰下來，車仔射門雖較對手少，但威脅卻更強，自由人夏薩特星味漸濃，單打獨鬥本領強；如非法比仔今仗多次傳球，直線欲插入曼聯心臟，卻沒有了最佳拍檔接應，準不用靠角球，先開紀錄。杜奧巴踢足全場，不老又不慢，賽後在whoscored網站評分，僅次於隊友門將。車仔未踩油，但聯賽已錄7勝2和未敗，每戰到下半場中段必已領先，只有作客「兩曼」同於末段被逼和；如非摩帥向來保守，尤其作客，領先後未有續施壓力，反而例必用大後備約翰米基爾加強中場掃蕩，舒賀爾尼換入時間是89分鐘，可有可無，車仔搶到3分會較合理。
曼聯及車仔，近年起伏極大，近10季，單打獨鬥計，曼聯總分有6次贏車仔；但摩帥上季回歸英超，不見了對家費Sir，已能大勝18分，一反之前3季曼聯大9至25分不等；現在賽季還不到4分之1，已有10分差距。曼聯今季又換新帥，每戰排陣不同，如今仗防線又轉由馬高斯盧祖拍基斯史摩寧，需經歷陣痛。續缺停賽朗尼，正選僅剩兩位英國人，紅魔令人越覺陌生，明年1月估計又再買人，最有利是不用踢歐洲賽，進步空間闊，躋回聯賽三甲機會甚濃。
進入補時，自負的摩佬沒有又提前走到對家「地頭」，主動握手逕自返回更衣室；當然作為徒弟，沒有理由會膽大到走去辣㷫師傅雲高爾。又或者是多得曼聯有尹佩斯攻入還魂波，令英超之爭仍然較為緊湊，不致因車仔獨大早現冷場。
波神