今季谷草大利一檔馬，上周三晚B欄八場賽事，一檔馬更取得三冠三亞一殿一第五未失獎金，周三晚雖然轉用C欄作賽，估計一檔馬仍然可以延續強勢。因為翻查上季9月25日首次谷C欄賽事，頭馬全部排七檔或以內起步，而且一檔馬半數入位。至於跑法方面，總共有七匹頭馬居前四位入直路建功，其中「威仔皇」及「牛精仔」一放到底，另外「喜相逢」及「旅英駿駒」就守前領馬之後貼欄包廂位賺形勢勝出，留得太後好難追。
今戰列陣馬中，第三場「高耀之寶」跑過一次谷C欄1200米即勝，今仗回配合作贏過嘅潘頓跑番強項路程，抽五檔有助重開勝門。另外，第四場「有智者」雖然仲未贏過，不過唯一上名正是在C欄1800米取得，抽埋一檔應是開齋黃金機會。