【本報訊】泛民在立法會保安事務委員會會議上指摘當局一面倒批評佔中示威者，質疑警方執法不公，建制派出力護航，炮轟傳媒報道佔中偏頗，工聯會黃國健指警方在會上播放示威者衝擊警方的短片「喺主流傳媒睇唔到，傳媒是否公正，是非自有公論，公道自在人心」。
保險界陳健波更質疑警方如何分辨真假傳媒，「傳媒至少兩邊都講，好多嘢應講唔講，點樣確保傳媒公平報道？」
陳家洛反駁：睇清楚先撐
黃國健更聲稱在網上發現「顏色革命手冊」，教人如何針對攻擊執法者，「令佢唔敢執法，然後呢個政權就冧啦！」
早前托辭因佔中致塞車而無法準時趕抵立法會，令大會流會的工聯會郭偉強，不滿泛民「假惺惺」，無人譴責佔中示威者衝擊警方防線，「係你哋逼警察出手㗎，你哋唔搞集會就冇事㗎啦，呢個係現實，學人講政治問題政治解決嗰啲先係小學雞呀！」經民聯梁美芬更「屈」有幼稚園教師教小孩警察是「黑警」，「真係非常冇道德」。
公民黨陳家洛「忍唔住」回應建制派批評，稱9月27日清晨他與示威者一起在立法會外靜坐，警方在立法會內衝出拉扯示威者和噴胡椒噴霧，「唔該睇清楚先學人撐，撐乜嘢呀？撐梁振英政府？係盲撐！」
建制派歪理撐警
民建聯 鍾樹根
「人哋（還路於民）搞簽名，對埋身份證已經60幾70萬人，你哋幾多人？小貓三、兩隻就阻咗中信大廈出面。」
保險界 陳健波
「警方點樣分辨真假傳媒？傳媒至少兩邊都講，好多嘢應講唔講，點樣確保傳媒公平報道？」
工聯會 黃國健
「警方在立法會上播放嘅示威者衝擊警方影片，喺主流傳媒睇唔到，傳媒是否公正，是非自有公論，公道自在人心。」
工聯會 郭偉強
「係你哋逼警察出手㗎，你哋唔搞集會就冇事㗎啦，呢個係現實，學人講政治問題政治解決嗰啲先係小學雞呀！」
資料來源：下列議員
