【本報訊】昨凌晨大角嘴斬人案中，曾與死神擦身而過的兩名男子是撐佔中者，他們得知有人被斬傷後，都抹一額汗稱：「好好彩，我覺得佢（疑兇）有精神病，係隨機搵目標。」
「再望我就捅你」
區先生及羅先生憶述，昨凌晨約3時25分，他們在大角嘴消夜後結伴準備往旺角撐佔中，途經塘尾道時，一名男子突然由新興鋼具商業大廈衝出，並用左手搭着羅的肩膊問：「你係咪差佬呀？你個樣似喎！」語畢即拿出利刀，並怒視區：「你好快啲走！你做乜仲唔走？你係咪黃絲帶嘅？」
區與羅立即快步而行，並向怪客說：「走緊喇！」對方即時大喝：「我叫你𠵱家走呀！」區再回應：「都話我𠵱家走緊！」此時怪客再揮刀指嚇兩人，區、羅立即過馬路離去，聽到怪客繼續呼喝：「你唔好回頭望，再望我就走嚟捅你！你唔好報警，你走唔出呢條街！」
兩人跑至朗豪坊後向在場一名機動部隊警員求助，但對方似漠不關心，只着他們往旺角警署報案，他們於是走到惠豐中心向其他警員求助。羅指摘該名機動部隊警員：「如果一早處理，即使阻止唔到（傷人），都可能拉到人！」