躁動的旺角佔領區，最多「邊緣」佔領者，古惑仔、被排斥在外的新移民，都成為這裏的一分子。民間互助組織同根社總幹事楊媚（圖）是其一。同根社的會址在塘尾道，距離佔領區只十分鐘腳程，楊媚說，過去一個月，每天都往佔領區跑，由統籌師奶們自製黃絲帶、打理物資站，到遇黑社會「踩場」，帶着學生哥拔足狂奔，見證這個「在地」公民廣場的變化。
「放催淚彈第二日我就嚟，9月30嗰晚，怕國慶假期有人搞事，嗰時大台自由發言，但好多咪霸，有人提出不如封咪，有人贊成有人反對，最後決定公投，呢種集體談判，對於所有佔領者嘅講，已經係一種學習民主嘅過程。」2000年來港，楊媚早已是擁有三粒星的香港人，在高壓政權下成長，有人被扭曲至成為無力反抗的蟻民，而她呢，在自由的香港土壤下，卻嘗到巨大的公民力量。 「好多人一見到反佔中者衝擊，就會好似條件反射咁話：『呢啲咪新移民囉。』我聽到真係好心痛，我自己都係過來人，明白佢哋只係長期高壓下，以為只有任人擺佈，先可以生存」。