廖偉雄（阿燦）當年扮嘢無數，尤以他在《笑星救地球》中的乜太最為經典，近年更被網民指跟梁齊昕母親似到十足十。不過，自阿燦移居內地生活淡出娛圈後，乜太亦「人間蒸發」，觀眾僅能透過網上片段緬懷一番。直至昨日，消失了20多年的乜太終重出江湖，近日雨傘革命引發連串暴力爭拗以及unfriend潮，社會氣氛跌至谷底，乜太遂炮製「一團和氣」，教大家洗冷血、倒抽涼氣發放正能量。
採訪：戴彩煥、藍文浩、譚倩宜
現年57歲的廖偉雄昨日以乜太身份接受本報專訪，當年煮過「煲老藕」和「爆陰毒」等菜式的「她」，有見近日社會氣氛跌至谷底，遂為大家炮製一道名為「一團和氣」的開心菜式，材料包括真心、和諧、開心、溫柔、包容、正能量、笑料、干戈和清補涼。乜太搞笑說：「用gas煮記住要用『涼氣』，唔好用『勞氣』同『怨氣』，仲要記住一路煮一路倒抽一口涼氣，咁就唔驚嘥氣！個『真心』煮之前要洗走啲冷血、刻毒、涼薄，而上碟前仲要撇走偏見，同千祈唔好加鹽加醋，咁就為之very good啦！」明年一月乜太再踏舞台演出《笑星救地球25周年燦神回歸演笑會》，問如何救地球時，乜太笑謂：「最緊要開開心心，有乜嘢就四四六六拆掂佢。」
雖然阿燦淡出娛圈多年，但昨日再次乜太上身依然冇難度。問何以相隔20多年才搞演笑會，回復身份的阿燦笑說：「因為大家就嚟死，就嚟死大家都唔見吓面？趁仲有力，同演藝界朋友以及觀眾聚埋一齊開心吓，咁多仇怨做乜吖！成個騷都係想大家開開心心，緬懷過去，展望將來。」
唔掂講到掂
不少人覺得齊昕母親似足乜太，而近日阮兆祥扮「齊陰母親」則被指似足乜太，對此阿燦說：「乜太可以話似好多人，呢個係個人感受，我只係做好乜太角色。」揚言沒有政治立場及黨派的阿燦，對近日雨傘革命不予評論，但阿燦坦言希望大家一團和氣，他說：「每個人有唔同想法，希望大家開開心心一團和氣，開心方法就係唔掂講到掂，唔使嘈，希望大家撇除成見好好去傾。」
協力：廖達燊、毛宇軒
【乜太絕招】驅散負能量
香港最近被負能量籠罩，怨氣大爆發，歡樂大使乜太繼續發放笑彈，先教大家煮「和氣餸」，還特意傳授港人「減壓三式」，乜太再重申一次：「日日運動身體好，男女老幼做得到！」（but we will NOT recap in english！）
第一式：抗低頭族
香港人去到邊都要玩電話乜乜乜，乜太表示大家應多做頸部運動來放鬆肩頸肌肉。
第二式：蹲下站立
香港人出名轉數快，靈活度高，遇上任何困局、難題都能屈能伸。
第三式：互相孭起
即使生活壓力多大，堅毅不屈的香港人只要堅持，難關終於都會捱過去。
【阿燦變乜太】
超人要有電話亭才可變身，但廖偉雄（阿燦）變身乜太，半粒鐘便搞掂！乜太上妝與OL無異，由粉底、眉形以至唇膏，她都是一絲不苟。
潘紹聰X柳俊江
星期一至五 晚晚「搵鬼睇」
http://hk.apple.nextmedia.com/horror
【三個粉絲去首爾】
追星實錄，即上韓劇讀: http://hk.apple.appledaily.com/kstar