華將近排唔多老利，繼鄭雨滇被重罰停賽18日後，呢日第三場五班千四米發生意外，40歲華將賴維銘，騎文廐「鑽飾天使」起步冇耐墮馬，事緣起步後此駒失蹄，並隨即馬鞍滑移，因而將賴維銘拋下，可是他落地時一隻腳仍然套在腳踏內，因此被「鑽飾天使」拖行了幾十米，才人馬分離，慶幸嘅係隻馬當時位居馬群後面，賴仔冇畀其他馬踢到，否則後果可大可小。救護車即時趕到，將佢送往鄰近馬場嘅威爾斯親王醫院，賴仔全程保持清醒，識得回答醫護人員問題，不過餘下賽事卻要退出，而經初步檢驗後發現他身上只有瘀傷，並已經出院。而「鑽飾天使」則全程狂跑，應無大礙。