【本報訊】一場世紀對話，學聯女將港大學生會會長梁麗幗雄辯滔滔，贏盡市民掌聲。
協恩中學辯論隊的負責老師透露，梁麗幗在中學時深受師妹、同輩愛戴，私下非常好學認真，「一年30至40場辯論，唔使出場佢都去足八成」。
深受同學愛戴
與高官對話期間梁麗幗說話不卑不亢，卻字字鏗鏘有力，她讀中學時，是辯論隊主將。負責辯論隊的老師何冠霖說：「佢唔會立即反駁，聽晒先發問，或者睇完資料第二日再問」。梁中二時考入學校辯論隊，參加了過百場大小的辯論比賽，即使不用出場，也會旁聽吸收經驗，「比賽年中無休，除咗考試前，差唔多日日都要留係學校練，咁多個學生裏面，佢係旁聽出席得最多嗰個！」
中六時協恩師姐、老師均推薦梁麗幗擔任辯論隊隊長，除訓練師妹外，還要籌備聯校的辯論比賽，另一負責老師唐挺堅認為梁雖不是校內「風頭躉」，但她很願意幫助別人且不計較付出，同學、師妹非常喜歡與她相處，「佢唔係要上場做star，背後會幫師妹準備稿、資料，即使入咗大學關鍵賽事都會返嚟幫手」。