在小朋友及家長圈子，剛好男人四十的陳志安（圖），孩子都叫他志安哥哥，香港的幼稚園，一半以上都學唱他創作的兒歌。席捲全港的全民運動走到樽頸，上星期，他創作了一首名叫《Umbrella》的另類兒歌，在網上引起家長議論紛紛，惟獨他氣定神閒，「由警察向示威者發放催淚彈，到爆出暗角事件，佔領者一直捱打，我唔可以好似學生咁日日瞓佔領區，惟有作首歌，希望為佢哋打打氣，就係咁簡單」。
陳志安直言這首快樂的雨傘之歌，原是為4歲的兒子所作，「仔仔一樣愛傘，原曲係英文兒歌，講一個小朋友，拿着雨傘快樂起舞，嗰時，仲未有雨傘運動」。歌曲調子輕快，譜上全新歌詞，由「全面覺醒」到「平等的選舉」，呼籲留守者「𠵱家返歸只會輸清」，立場清晰，「之前有個幼稚園老師，自製教材義教小朋友乜叫雨傘運動，喺網上都俾人圍攻，都會怕被人指摘係向小朋友洗腦，但我認為，香港畢竟係自由社會，有啲嘢覺得啱就應該去做。」