【本報訊】憂患時光，由深秋延展至霜降，雨傘運動民情起伏，比政府總部外那幾條道路更加逶迤曲折。置身其中，畫家Queenie經歷過不安無助，也發掘到心靈植根之處。她筆下的金鐘佔領大本營，也由湧動人潮，孕育成數以千計色彩斑斕的營幕。
寫生感悟運動起伏
金鐘佔領區內，所有可以張貼標語畫報的空間，都佔領得密密麻麻，包括Queenie的作品。過去一個月來，她一有空就走到佔領區寫生，以水彩記錄雨傘革命起始與進程。在金鐘，她察覺到的最大變化，就是運動在人心中的牢化：「初期大家唔知方向，好無助，成日諗聽日仲會唔會喺度？後來越來越多人喺度紮營，日子耐咗，運動就好似佔據咗喺我哋個心入面，好似播咗種咁。」
雨傘革命讓Queenie更愛香港，「我𠵱家更加確定香港係屬於我嘅地方，要搵方法支持，所以就不停做記錄」。
Queenie與兩位畫家彭啤和Kay，這月來畫下了一幕又一幕震驚海外的香港浮世繪。
「我唔知道結局會點，感覺好似緩和咗，又好似風暴前夕，件事未完，始終都有啲嘢哽住喺心。」彭啤心情忐忑，但又感到鼓舞：「我從未見過香港人咁堅持，覺得有啲希望。」
這份憧憬，不是全無根據。Kay表示，金鐘已經逐漸建立起一個社群，由初期的散亂，發展到物資站、自修室，人們分工合作，互有默契。「其實好簡單，因為大家都係建基於一個共同訴求──真普選」。
