【失驚無神嚇鬼你】香港人壓力大，星期五萬聖節想撞鬼但又怕嚇餐死？迪士尼黑色世界可能屬另類選擇。自言萬聖節會扮鬼扮馬出席party的詠春高手陳嘉桓，日前就獨闖黑色世界兩大鬼屋，食過夜粥的她笑言要「一個打十個」，跟眾嘩鬼切磋武藝。
過往經常於萬聖節出席扮嘢party的嘉桓，除了扮過黑天鵝外，她透露印象最深刻的一次是扮喪屍zombie boy：「嗰次係化咗個鴛鴦面妝，一邊係正常靚女樣，一邊係化到好似zombie boy咁，揸車出街嗰陣都有唔少人俾我嚇親！」嘉桓表示由於父親是彩繪師，故以往萬聖節化的妝容都是出自他手筆。
至於即將來臨的萬聖節，嘉桓坦言已約了朋友舉行party，她說：「𠵱家諗緊扮乜嘢，自己想扮公主，但又想扮黑魔后。過往啲道具都係自己整，所以如果扮黑魔后都要花啲心思去諗點整。」
撰文：譚倩宜
黑色世界有乜玩？
鬼屋1：黑色馬戲班
入場時氣勢十足，不時擺出詠春手勢自保的陳嘉桓首先挑戰入門級鬼屋「黑色馬戲班」，又手多多查看場內的玩偶裝飾，非常俏皮。
當嘉桓走到以蜘蛛網做主題的房間時，她即失守被躲於蠶繭內的演員嚇倒，令她連詠春基本「起手式」也手軟腳軟做不了。
鬼屋2：詭墳學院
雖然首間鬼屋已需急步離場，但嘉桓堅持挑戰進階鬼屋「詭墳學院」。才剛踏入學院，嘉桓已高呼場內氣氛相當詭異，還未來得及擺出詠春手勢壯膽，已被突然跳出的瘋狂教授嚇至花容失色，之後還要求攝影師當「先頭部隊」上前探路，認真失威。
腦漿蛋糕
被嘩鬼反「嚇」為主的嘉桓，之後笑言還是當公主較合適，戴上后冠的她，先擺駕到餐廳品嚐萬聖節特餐。笑言不想當腦殘公主的她，點了有腦漿點綴的骷髏頭蛋糕，希望可以以形補形。
幻彩花車
醫飽肚之後嘉桓出巡到美國小鎮大街欣賞「迪士尼光影匯」，當她見到五彩十色的花車經過時，更興奮得如小孩般尖叫。
【特備節目】一家大細都啱玩
萬聖節不一定要血腥驚嚇才夠氣氛，sell合家歡的迪士尼，今年除設有兩間鬼屋外，還有其他老少咸宜的特備節目。
幻想世界面具舞會
迪士尼卡通人物穿上萬聖節服飾舉行面具舞會，遊客可跟他們跳舞合照。假若想化個靚妝出席舞會，可先到位於明日世界的化妝間，做些臉部彩繪或噴畫紋身，但請注意，彩繪等化妝皆需收費。
黑色嘉年華「異」演
若想多點萬聖節氣氛，可前往探險世界的黑色嘉年華，場內有打扮成「冰女王」、「火焰神」及「蝙蝠紳士」等演員跟大家合照。而反斗奇兵大本營內，則放置了「大頭寶寶」及「道奇」兩個巨型公仔供大眾拍照。
亞馬遜驚魂
由陳國邦扮演的探險家Jonas Brisbane，以故事形式跟遊客分享於亞馬遜森林的冒險經歷，每晚只上演三場。
【三個粉絲去首爾】
追星實錄，即上韓劇讀： http://hk.apple.appledaily.com/kstar