上周中歐聯利物浦對皇家馬德里，主隊半場落後3球，完半場時在行人通道，利物浦前鋒巴洛迪利（左二）望見皇馬後防比比，忍不住要提早交換波衫，你覺得此舉恰當嗎？
巴洛迪利：「我只係希望釋出善意，希望下半場佢唔好『Mark』得我太緊，等我可以製造更多埋門機會。」
比比：「我只是聽取訴求，用最快速度作出回應，以顯示我防守能力同體力沒因為半場完場而減弱。」
羅渣士：「咁樣只會畀人感覺放棄比賽，自我閹割，動搖軍心，萬萬不能！」
安察洛堤：「波衫問題，波衫解決。」
C朗：「半場換波衫，我怕要用半個鐘先至set得番個頭。」
謝拉特：「巴洛迪利唔代表我，但我會支持呢位戰友。」
波衫愛好者：「把握時間箒，而且同一場波，你可以完場再換埋C朗嗰件，成本效益嚟講，點計都賺。」
利物浦死忠：「一起的撐！」
曼聯死忠：「如果唔係我哋選擇唔要歐聯，你哋連歐霸都冇機會踢！」
沉睡花生友：「噚晚瞓咗，究竟世界盃冠軍曼聯大炒皇馬幾多球？」
簡單的傳統作出微調也引發出如此多的意見，所以面對近日香港的紛亂，要解決絕非易事。而我？利迷死忠是也。
龍華琛
有線體育主持 肥SAM