【壹週刊】軒尼詩於干邑區歷史悠久，城市中很多建築跟品牌有關，距離市中心約20分鐘車程嘅 Chateau de Bagnolet，是軒尼斯用作招呼貴賓嘅別墅。
這座大宅來頭不少，建於1810 年，1840年由軒尼斯創辦人個孫兒購入，成為家族成員的安樂窩，在這裡生活超過120年。直至1963年，家族將大宅轉到公司名下，見證家族幾世紀發展的大宅，變成招待世界各地貴賓嘅禮賓府。
這一座充滿古典味道嘅古老大宅，樓高兩層，有八間客房，每一間都有不同的裝潢，豪華又富吸引力， 色調主要用上紫紅色及棕色。除了飯廳及客廳外，更有一個吸煙房，讓人可以在飯後一邊食雪茄、呷干邑，一邊談天說地。
而大宅最令人著迷，係壯觀嘅後花園，17英畝嘅草木區，草坪緩媛地下延至夏朗德河，一大片田園最適合開party。沿著河邊散步，更可以看到以前遺留下來的雕像及涼亭。要入住呢個世外桃源，一啲都唔容易，因為軒尼斯只會用作招呼貴賓架咋！
除咗酒，呢個沿住夏朗德河而建嘅干邑小鎮，仲有好多值得遊覽嘅地方。
街上保留歐洲中世紀的木製古風建築，只要細心一看就可以發現牆角或橫樑上，都有不同的藝術雕刻，甚有心思。
喜歡看古蹟的，市中心有建於11世紀嘅教堂，或是河邊有遺留下來的城樓，呢度係進出城牆嘅其中一個關口，曾於18世紀用作監獄，牆上仲有不少被破壞的痕跡。
喜歡感受當地生活的，可以到訪英式設計的公園Cognac Public Garden，早起身嘅可以去當地嘅濕貨市場，裡面有20多間商戶，當中必定要去逛酒鋪，干邑的種類繁多，梗係要買返幾支返黎做手信啦！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/