【佔領區：銅鑼灣】
【本報訊】在銅鑼灣「露宿」20多天，承受過路人不少冷言和怒罵，中六生梁同學淡然說，理解他們為何動氣，「清場嗰朝我好嬲，（政府）明明話傾，轉個頭就嚟清，想點先？但後來理性哋諗，呢度始終係交通要道，的確阻到人」。他在佔領初期是物資站義工，物資如潮水湧來，他說太累，暫時退下來，但始終堅守。除了表達爭普選的決心，更因與其他留守者的牽絆，「日日擘大眼都係同一班人」。烈日下一同拉起大型帳篷，暴雨時又齊心保衞物資，無分你我，遠勝外頭的殘酷世界，「現實社會，豈止冷漠啲？」
從事金融業的易先生，逢周末通宵留守。他說旺角氣氛緊張，半夜的小騷動會令全部人警戒，「一晚醒四、五次」。前晚他移師銅鑼灣，雖比較太平仍不敢鬆懈，「我嚟係爭取真普選，唔係為咗瞓得舒服」。