【雨傘革命】雨傘革命不斷出現暴力場面，身為父母的張崇德和區永權，昨日均認為使用暴力是不應該的，而張崇德更借相關新聞告訴子女暴力行為實屬不當。
讚真普選標語
早前辭演國慶騷的張崇德，昨日偕太太劉美娟及一對子女出席又一城時裝活動，一對囝囝囡囡跟區永權大仔一起行catwalk，台型十足。日前有10多名攀山愛好者在獅子山之巔懸掛「我要真普選」巨型標語，張崇德也有留意，他說：「啲人好勁，一向都知道獅子山好難爬，𠵱家俾人知道佢哋訴求，但如果牽涉到法律都冇辦法。雖然好短時間就拆咗，但亦喺好短時間俾所有人知道。」
對於旺角佔領區不斷出現暴力場面，張崇德說：「唔應該用暴力，自己梗係想香港好，所有人都想香港好，希望呢件事盡快完結。佔中背後意義我係認同，但𠵱家阻礙到人，對某啲人嚟講係唔公平，每日睇到新聞都心噏，唔知點算，呢邊又啱，但另一邊又影響到人，自己都有做緊生意，雖然唔喺嗰啲地區，但知道嗰啲人每日嘅生意都受到影響，重要影響咗20幾日，真係隨時會執笠，最慘係唔知持續到幾時。」如何教導一對子女看待這件事？張崇德說：「一路都有同佢哋一齊睇新聞報道，但佢哋仲細，未明，但見到打人打交，我哋會話畀佢哋聽唔啱。」
「唔知點樣收科」
身為家長的區永權亦不贊同暴力事件，他說：「牽涉暴力唔應該，一向唔鼓吹。作為父母我都好緊張留意呢件事，但呢件事唔知點樣收科，自己真係唔想見到暴力。」
採訪、攝影：溫敏芝
【三個粉絲去首爾】
追星實錄，即上韓劇讀： http://hk.apple.appledaily.com/kstar