【佔領區：金 鐘】
【本報訊】早於黃之鋒呼籲一人一帳篷之先，Tommy與Trammy自9月28日已留守金鐘，至今踏入第29個晚上。Tommy是準會計師，Trammy則任職保險界，他們白天上班，晚上留守。
Trammy坦言，最初只因不忍學生困在公民廣場，求助無門，「冇諗過留咁耐，但政府實在太過份」。她一口氣列出連串令人氣憤的事，「係半步唔讓呀，又縱容黑社會，又有藍絲帶出嚟搞事，仲有所謂清除路障，許Sir嗰啲最低武力，仲未計阿周融哥呢。真係好嬲，一嬲就繼續留」。
她說下雨那個晚上，趕走不少人，但他們都堅持留下，「怕一走就再的唔起心肝返嚟」。最初共六人露宿，有的只是一張銀色地蓆，「好幾晚都凍醒」，後來添置帳篷才睡得較安穩，「10日先適應到」。
Trammy說有好幾晚人特別少，「真係會驚，因為越少越危險，好怕警察會趁機清場」。但佔領區的互助與團結，又教她捨不得離開，「係個理想嘅社區，好似身處烏托邦」。二人認為政府有很多小動作分化佔領者，「我哋都唔贊成衝龍和道，但就會去幫手遞嘢，團結好重要」。