【本報訊】連日來為阻《蘋果日報》出版而三番四次圍堵將軍澳壹傳媒大樓的「大叔、大媽」，昨晚又出動近半百人持橫額及揚聲器在大樓門外叫囂。
擾攘一小時後散去
警方早有佈防，他們無法接近，更有四名市民以寡敵眾，比「大叔、大媽」早半小時抵步撐《蘋果》，高呼：「你哋班黑工返大陸啦！」圍堵者擾攘一小時後散去。
昨晚約9時，50名「大叔、大媽」拉起橫額由駿盈街行近壹傳媒大樓，警方早已封鎖駿盈街與駿才街交界，以防他們衝擊大樓危害員工，全部戴上口罩、太陽眼鏡及高舉迷你電筒的「大叔、大媽」，只能半遮半掩高叫口號，害怕被記者攝入鏡頭。
其間，有一輛載乘兩男兩女的私家車停泊於駿才街進行監視，一見記者及保安上前即絕塵而去。
而早在「大叔、大媽」抵埗前半小時，四名中年男女得悉相關消息即到場支持《蘋果》，雖然敵眾我寡，四人毫不畏懼高呼：「你哋班黑工返大陸返深圳啦！」更一度與「大叔、大媽」爭論。
聽聞再有「大叔、大媽」前來圍堵《蘋果》，嘗試阻止出版，馬小姐特意前來將軍澳壹傳媒大樓支援，她稱：「班人根本就係收錢做嘢，成班黑工嚟！」袁先生則指：「我乜報紙都會睇，雖然學生集會係犯法，但佢哋高尚，唔係咁樣阻報紙出版！」