心晴行動主席林建明（沙姐）一直關注情緒病患者，她昨在電話中表示與陳勳奇在20多年前已認識，但近年少聯絡，亦未見過其女兒陳杏妍，不清楚對方情況。沙姐表示情緒病分好多種，她說：「有抑鬱、焦慮、社會恐懼、強迫症等，當中以抑鬱最嚴重，好似推人去死咁，係頭號殺手，令人無動力工作，覺得人生冇意義，諗嘢好負面，就不如死咗去。」
她又謂有些情緒病患者不知道自己有病，需要家人及身邊朋友關心和支持，她說：「一個人唔開心，喊一、兩日冇問題，但如果你發現身邊人喊咗兩個禮拜都持續喊，就要留意吓，千祈唔好畀佢一個人，亦唔好同佢講你咁幸福、你好好彩呢啲無謂嘢，只需喺佢身邊默默聆聽，搵醫生或有關團體幫助，積極面對。」
採訪﹕魯吉
【三個粉絲去首爾】
追星實錄，即上韓劇讀: http://hk.apple.appledaily.com/kstar