【本報訊】有份將梁振英推上特首之位的董建華，昨日至少四次被問到梁振英不下台、香港將難以管治時，繼續發言死撐梁留任，又指梁收取UGL秘密巨款無交稅，他曾親身了解事件，認為梁振英在事件中的道德和操守「完全無問題」。資深大律師、公民黨議員湯家驊亦指，任何一個律師都不會認為UGL事件無問題，認為法律問題應以法律方式解決，質疑董建華盲目支持梁振英，而忽略梁振英的誠信問題。
雖然昨日董建華死撐梁振英收取UGL巨款「無問題」，更向記者挑戰：「你哋可以一路再講落去，但係你哋會失望，搵唔到新嘢」。但有消息指，澳洲當局明年將會就事件立案調查，令梁振英今次巨款醜聞進入法律程序。
董建華昨日至少四次被問到梁振英為何仍未下台的問題時，又多次為梁「講好話」，指不覺得梁振英現時應該下台。問到梁振英能否做畢五年任期時，更直指「梗係啦」。但談到是否支持梁振英競逐連任時，董則拒絕表態，指不知梁振英屆時會否參選，「2017年以後的嘢，我唔講」。
指梁24小時都工作
董建華又將上屆特首曾蔭權應付2008年金融風暴的功勞，歸功於2012年才出任特首的梁振英，指香港從金融風暴快速恢復經濟，「梁特首梗係有個好大的參與喺裏面」。董建華又指，不滿學生將梁振英政府「講到一無是處」，要求梁「講句公道話」，指「佢（梁振英）其實廿四小時都喺度工作的」，強調梁獲中央高度信任。
工黨李卓人則指，不認同董建華指梁振英毋須下台的說法，「董生應該諗返當年佢下台，的確係舒緩咗當年的情況，董生現時咁講，其實好違反佢自己的親身經歷」。