【雨傘革命】佔中運動果然遍地開花，14名以「香港蜘蛛仔」為名的攀山愛好者，前日早上合力在獅子山懸崖峭壁垂掛「我要真普選」黃色巨型標語，為佔中者打氣，標語懸掛一天，昨即被消防及民安隊拆除，潮人黃偉文（Wyman）前晚在金鐘出席名牌Fendi晚宴時，大讚在獅子山掛標語行動夠創意。
Wyman前晚不避嫌穿黃褲出席暗撐佔中，他說：「我只可話畀大家知，我係幾鍾意黃色，全身唯一唔係Fendi嘢。」Wyman指有工作仍會返內地，可擔心到內地出席品牌活動受影響，他說：「短時間唔知，我覺得啱嘅嘢要做，冇辦法估計。」是否因為大是大非？Wyman坦言：「嗰啲消息有幾真有幾假，冇人知，冇得計算人哋點反應，做自己覺得啱嘅嘢就得。」
對於獅子山懸掛打氣標語，Wyman激讚：「都勁㗎，我覺得好creative（有創意），呢件事（指佔中）引發咗好多香港人嘅美麗質素出嚟，冇發生呢件事嘅話，完全唔知香港原來有班人可以咁creative。」
梁栢堅登獅子山打氣
另一力撐學生的填詞人梁栢堅，昨日特意登上獅子山打氣，他在facebook貼圖兼留言：「全場巴絲大叫我要真普選，獅子頭上收banner，唔捨得落山。」山上巿民撐傘支持，梁栢堅也撐開黃傘說：「獅子石上，香港齊撐，以後行山帶遮。」
此外，謝天華曾在大台劇集《神鎗狙擊》有攀山場面，但網民卻貼圖起底指他是「Laughing哥」梁笑棠有份掛banner，認真搞笑。有藍絲帶網民誤信瘋傳，愛港行動召集人陳淨心急不及待留言：「拉得。」淨心BB辳爆中招，記者昨日致電謝天華，他卻以開工埋位為由匆匆收線，未有作出回應。
採訪：陳杰
【三個粉絲去首爾】
追星實錄，即上韓劇讀: http://hk.apple.appledaily.com/kstar