歷史是勝利一方寫的。有時，不。借鑑25年前的五月卅五日，在這場本土遮打運動中，冇嘢可輸的人，才是終極勝利者。N年後的今天， 一切歷歷在目：
一，市民幫google蒐集各區「暗角」，原裝version則永遠保留，每年十月十五，市民自發去暗角，打鑊。
二，縮骨遮，取代雙截棍，成為摩登武俠商標。世界變，靚遮，比一姐受歡迎。
三，好打得的新定義是：在重奪旺角當晚，硬食了幾多棍。
四，小朋友自己古仔自己作：喺高牆後面，到底邊個唔係人呢？a，狼？b，警犬？c，雞蛋？
五，87枚催淚彈改寫了房屋需求，窮得只剩錢的高官呢世都唔會明白，瞓過夏慤道最貴的核心地段後，年青人唔稀罕上樓，唔like一生奉獻給地產商做死十世樓奴！
六，一起撐過傘的同路人，幸福過偷偷摸摸袋了五千萬落袋而開始亂扣帽子的人。試問誰敢袋住先！