未去超市買花生的球迷就快啲啦，皆因今個周末英超、西甲大戰連場，唔買定花生等睇好波就蝕啦。先講周六見，西甲國家打吡皇家馬德里主場對巴塞隆拿，雖然「1億男」加里夫巴利因傷缺陣，派唔齊「同花順」組合，但實力依然強勁，基斯坦奴朗拿度同賓施馬周中歐聯有士哥，狀態勁弗。巴塞一樣唔弱，蘇亞雷斯預計首次替巴塞披甲，同美斯、尼馬組成「南美三叉戟」，呢場打吡，冇理由走寶。球迷一覺醒來，又等周日晚英超重頭戲，曼聯於奧脫福球場迎戰車路士，紅魔表現仍然飄忽，但車仔亦恐有迪亞高哥斯達缺陣，戰力受影響，對紅魔則是絕對有利消息，可唔可以乘人之危，打破車仔今季金身，記住啦，一樣凌晨零時開波。
識睇，一定係睇足英台【英波Live】：
http://soccer.appledaily.com
http://bit.ly/engballlive