學聯常委、港大學生會會長梁麗幗有個暱稱叫做「娘娘」，相信好多人都知，梁麗幗自己都唔抗拒嘅。不過最近有聲音覺得佢呢個朵唔係幾好，而原因竟然係同熱血公民有關。
話說熱血公民嘅黃洋達都有個花名，叫做「皇上」，呢個都係眾所周知嘅事。不過最近有佔領人士就覺得，學聯呢邊有位「娘娘」，熱血嗰邊又有位「皇上」，容乜易俾外面嘅人混淆，以為佢哋兩個係一對㗎，好似話有人已經唱「熱血有皇上、學聯有娘娘」，所以就覺得再叫梁麗幗做「娘娘」唔係幾好。不過八方就覺得呢種諗法又未免敏感得滯，「皇上」又唔一定要配「娘娘」嘅，配「皇后」都得啫，黃洋達都有「皇后」陳秀慧啦。