【壹週刊】 一講起干邑，好多人都會諗起X.O.，V.S.O.P，就忘記咗其實干邑係法國西南部一個小鎮。
干邑酒歷史悠久，給人的印象，是一種較老的感覺，上了年紀的人才會喝，女孩子更加對其濃烈的味蕾刺激不敢恭維。不過到訪過干邑區後，就會發現藏在干邑背後的故事，以及它帶出的生活藝術，或者會將其印象一掃而空，重新發掘當中的可能性。
要探索干邑的根源，首先當然由葡萄說起，喺夏朗德區嘅葡萄園多達4千多家，只有在這裡種出來的葡萄釀出來的，才稱得上干邑。葡萄的收成期為10月，到訪時還有一個月就收成，摘了兩顆不同品種的葡萄品嚐，每粒葡萄都非常飽滿，非常Juicy。
葡萄收成後會運到蒸餾廠，入到去就見到一個個古老的紅銅蒸餾器，非常壯觀，作為今次導遊嘅軒尼斯大使解釋蒸餾過程之後，就去到另一個重要地方木酒桶廠。
其 實而家酒桶生產已經機械化，不過呢一門傳統手藝依然獲得保存，製桶師Matthew即場示範酒桶製作，先將橡木一根根用鐵架框好，然後烘烤及敲打，呢個過 程要不停咁做，目的係令木桶密不禁風，絕對不容許出錯，否則要從頭再做。見到Matthew一對傷痕累累嘅手，就知道呢一門手藝殊不簡單。
品牌最值錢嘅地方當然係儲存酒嘅酒窖。呢度有超過30萬個酒桶，堪稱擁有世界上最多儲存量，最古老更加已有兩百年歷史。不過未可以飲用，要經過調配先成為干邑，而家只係可以聞下先！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/