禮拜日田草11場賽事用B加2跑道作賽，睇番上季10月27日沙田錦標及精英碗賽日亦是在B加2欄舉行，當日雖然頭兩場由放頭馬「無敵王者」及「華麗登場」帶到，不過此後由後上馬連場報捷，其中「勝利攻略」、「赤龍駒」、「戰利品」、「綽力之城」及「駿馬名駒」更加走二三叠轉彎發力照樣衝贏對手，所以不宜過份側重內叠前置馬。
今戰列陣馬中，尾場「得盛」四次跑B加2欄攞到兩冠一亞，包括上季正是在沙田錦標賽日跑1600米勝出，吼番同日再來可重溫好夢。另外，第四場「幸運勝利」兩次跑B加2欄非冠即亞，路程都係今戰之2000米，重返強項韋達唔放手值得留意。