現年33歲的楊洛婷跟Dear Jane主音歌手黃天翱（Tim）拍拖8年，步入中女階段的Rabee'a會否考慮結婚生仔？她笑笑口說：「好多人近排問我呢個問題，話我係時候結婚生仔，但係我冇乜點諗呢啲嘢，不過爹哋媽咪就不停咁催我，話好想抱孫，4年前已開始問我幾時生BB，但係從來冇問我幾時結婚，由細到大，佢哋都好嚴，我冇諗過佢哋突然咁開通，𠵱家我同Tim工作開始忙，所以結婚生仔要再排期囉！」不過，聞說Tim已經密謀向Rabee'a求婚喇。
開班教美容
除了排長龍的司儀工作，最近做電台主持的Rabee'a打算在網上開班授徒，她說：「有啲朋友知我好鍾意美容嘅嘢，好似DIY一啲髮型喇！喺網上面教人整頭髮，同埋嚟緊會教人點化妝、護膚，帶更多資訊畀觀眾，𠵱家好興網上介紹新嘢畀觀眾，遲啲仲諗住開班教吓人。」
【三個粉絲去首爾】
追星實錄，即上韓劇讀: http://hk.apple.appledaily.com/kstar