【雨傘革命 第27天】
【本報訊】雨傘運動持續至今，除了雨傘，膠樽於佔領區也最常見，獲贈的大批樽裝水象徵市民對運動的支持，原來這批「佔領區膠樽」並非全都掉進堆填區，部份經一群義工努力，將幻化成為一個個晶瑩剔透的聖誕球，懸掛在也被佔領的銅鑼灣區及為病童籌款。這兩萬多個「佔樽」成為運動的美麗印記。
記者：翁煜雄 佘錦洪
金鐘佔領區一堆堆市民捐贈的裝樽水為佔領者生津，阿珊與Daniel等一群義工，每晚下班後都走入佔領區，只為了「佔樽」：「初時大家未有垃圾分類，要喺垃圾堆摷膠樽，漢堡包汁一手都係。」
兩萬廢膠樽變聖誕球
他們都是隨義工劉肇銘（Ming）而來。Ming上月為替活動RE：MAKE A WISH籌集膠樽傷腦筋，碰巧認識「結束一桶專棄」的馮詩麗（Celia）一拍即合：「佢哋咁啱搵到好多樽。」
每逢七一、六四集會都到場回收垃圾的Celia，罷課初期已跑到金鐘，「集會都會多人飲樽裝水」，催淚彈激發更多港人湧來，也帶來更多膠樽。
抗爭持續，垃圾堆積，但食環署拒絕派車來清埋，Ming憶述：「喺大會堂停車場見到垃圾山，呆咗」。他們螞蟻搬家般，一個傳一個把過千袋垃圾搬到外圍垃圾車，並從中揀出膠樽，但食環署態度令Celia想起也氣憤：「話唔好阻住佢做嘢。」
不過，這場運動的和平及秩序令外國人感「Amazing」，也讓義工感動。Celia說政府宣傳垃圾分類多年不見成效，在佔領區卻一夜成功，「集會市民之後唔只分開膠樽，仲撕埋招紙、分開樽蓋。佢哋話返到屋企都忍唔住分類垃圾」。市民看到義工收集棄樽，也會幫手。不過，Celia提醒自攜水樽減少製造廢物，「見到有啲樽裝水飲咗好少就丟」。
RE：MAKE A WISH於金鐘收到2萬個膠樽，將再造為聖誕球，部份用作募捐助病童完成心願。不過，膠樽需先清洗，並撕掉不可回收的招紙，及除去樽蓋，義工周末都蹲在倉庫空地忙得汗流浹背。Celia說若回收源頭做好分類便可省回力氣，如可扭細的膠樽，若不先撕掉招紙便扭細，「我哋就要逐個扭翻大，再撕招紙」。兩班義工的偶遇，讓棄樽成為港人爭普選的決心、捐贈物資的愛心及公德心的印記。
