【本報訊】與腦癌搏鬥一年多的三歲男童吳秀一，本月初終在父母懷內慢慢停止呼吸平靜離世，爸爸哭着期許和秀一來世再做家人，無病無痛生活：「我希望看到他再說話，識行識走，正常地一家四口吃飯……」但跌倒總要再站起來，秀一父除正找新工作，亦希望盡快撫平深愛弟弟的大女兒的心靈傷口。
記者：洪藹婷 梁偉權
三歲多的吳秀一，兩歲時確診罕見癌症松果體母細胞瘤，一年內他經歷八次化療、兩次手術，但至今年7月秀一體內癌細胞已擴散至脊髓，醫生建議停藥。爸爸吳壬章曾放盤賣樓，計劃花百萬元赴英作最後努力，「但秀一突然抽筋，好嚴重，連眼都抽筋，醫生都話唔畀我帶佢搭飛機，所以我惟有等……三次抽筋情況一次差過一次」。
10月2日晚上，秀一心跳加速，每分鐘逾200下，呼吸緩慢，爸爸抱着他，「雙手冇離開過佢，直至佢呼最後一口氣」。翌日早上送到醫院已離世，猶幸「佢走嘅時候表情唔係好痛苦」。
秀一本周完成火化，家人為秀一準備了生前最喜歡的巴斯光年毛公仔，和數幀家人的歡樂合照，做了簡單的送別儀式，「親手按掣（火化）送佢走……好難受」爸爸強忍淚水，笑一笑：「其實已經完啦！」
倘夢中見 希望他懂說話
爸爸整月失眠，一個人時會靜靜哭，但他說沒有本錢一蹶不振，本是傳媒自由人的他，為照顧秀一已辭職一年多，計劃稍後再找工作，回復正常生活，並且特別多留時間給女兒：「要補償呢一年半以嚟，爸爸媽媽好少陪佢。」一如至今仍無法理解生死的沉重，常會問：「細佬係咪死咗？佢啲骨幾時返嚟？」
吳父終於陪秀一走完了抗癌路，「我會將秀一啲骨灰放喺屋企，同佢啲相放埋一齊，咁每日就可以同他一齊，意義上，我哋仍然係一家四口一齊生活」。如果秀一有下一世，爸爸說「希望佢認得我哋，用佢嘅方法嚟搵我哋」；如果能發夢，希望秀一懂得說話：「佢最後一年都冇講過嘢，我希望見到佢再講嘢，識行識走。」
《蘋果》今年7月報道秀一（個案編號：C3717）的抗癌故事後，蘋果日報慈善基金至今為他籌得逾381萬元，已轉交200萬元予吳父應付醫療開支。蘋果基金繼續跟進秀一家庭需要，提供適切的協助。
「蘋果日報慈善基金」捐款編號：S0001
網上捐款： http://bit.ly/1nQRthE